:: Sawan Ka mahina.. [ගීත තුනක් තිබේ].. ::



ඔන්න අද ශ්‍රී ලංකාවේ ජනප්‍රිය පැරණි හින්දි ගී තීරයට අරගෙන එන්න අදටත් සෑහෙන් ජනප්‍රිය ගීතයක්.. සිංහල කොපි වලට වඩා මේ හින්දි ඔරිජිනල් එකට පුදුම ඉල්ලුමක් තාමත් තියෙන්නේ.. බලමු මොකක්ද මේ ගීතය කියලා මුලින්ම..



"සාවන් කා මහීනා.. පවන කරේ සෝර.. ජයාරාරෙ ජූමේ එසේ.. ජේසේ බන්වා නාචේ මෝර.. "

1967 අවුරුද්දේ තිරගත වුන "මිලන්" (Milan) චිත්‍රපටියේ තමයි මේ මධුර ගීතය අඩංගු වෙලා තිබුනේ.. මේ චිත්‍රපටියත් එක්තරා කොපියක් කිව්වොත් හරි.. මොකද 1963 අවුරුද්දේ තිරගත වුන "මූගා මනසුලු" කියන තෙළිඟු චිත්‍රපටියේ නැවත නිෂ්පාදනයක් විදිහට තමයි මේ මිලන් චිත්‍රපටිය හදලා තියෙන්නේ.. ඉතින් කොහොමහරි සුනිල් දත් එක්ක නූටන් ප්‍රධාන රඟපාපු මේ හින්දි චිත්‍රපටිය අධ්‍යක්ෂණය කලේ "අධූර්ති සුබා රාඕ".. මේ ගීතයේ පද ආනන්ද් බක්ෂිගේ.. සංගීතය ලක්ෂ්මිකාන්ත්-ප්යාරේලාල් සහෝදර දෙපළගෙන්.. ගායනා කලේ ලතා මංගේෂ්කාර් සමග මූකේෂ්... ඔන්න කැමති අයට සුපුරුදු පරිදි බාගන්න බලාගන්න අහගන්න අවස්ථාව තියෙනවා ඕං ඈ.. :)



සාවන් කා මහීනා - මිලන්



ඉතින් මේ "සාවන් කා මහීනා" ගීතයේ තනුවට සිංහල ගී කීපයක්ම ගායනා වෙලා තිබුනා.. මම අනුපිළිවෙළට ඉදිරිපත් කරන්නම්කෝ ඕං..


1. ආදර සිහිනේ දෙන්නා..

මේ ගීතය නම් මමත් ඇහුවේ ළඟකදී.. එච්. ආර්. ජෝතිපාල මහත්තයයි, තවත් ගායිකාවකුයි මේ ගීතය ගායනා කරන්නේ.. මට ගායිකාව නම් අඳුරාගන්න බැරි වුනා.. ඒත් මියුරුගී වෙබ් අඩවියේ නම් මේ ගීතය තිබුනා.. ඔන්න දන්න කියන කෙනෙක් ඉන්නවා නම් කියන්න මේ ගීතය චිත්‍රපටියක අඩංගුද නැද්ද කියන එකයි ගායිකාව කවුද කියන එකයි.. ඔන්න ඔය උඩින් තියෙන ගීතයේ නම ක්ලික් කරලා සින්දුව අහන්න පුළුවන්..

ආදර සිහිනේ දෙන්නා - ජෝතිපාල, ..... ???



2. මීදුම් සේලෙන් පාවී..

2007 අවුරුද්දේ භාතිය - සංතුෂ් සහෝදරයෝ තමයි මේ ගීතය එළිදැක්වුයේ.. අශාන්ති සහ රන්දීර් යන අයත් මේ ගීතයේ ගායනා කරනවා.. ටිකක් ලංකාවට අළුත් විදිහක මියුසික් වීඩියෝවක් මේ ගීතයට හැදුවා.. ඒ දවස් වල තිබුනු ගී ලැයිස්තු වල සෑහෙන කාලයක් හිට් කරන්න මේ ගීතයට පුළුවන් වුනා.. ඔන්න පහලින් බලාගන්න පුළුවන් ආපහු මතක නැත්නං..






3. සාවන් (Remix by Iraj)

භාතිය-සංතුෂ්ලා මීදුම් සේලෙන් ගීතය නිකුත් කරපු ගමන්ම තමයි ඉරාජ් තරඟෙට වගේ මේ ගීතය එළිදැක්වුවේ.. සුපුරුදු පරිදි ඉතින් ඉරාජ්ට වැඩි රහක් එකතු කරන්න බැරි වුනා පොඩි රැප් කෑල්ලක් ඇරෙන්ඩ.. මට නං මේකේ පදත් අමතකයි.. ඒ තරමට චා.. ටීෂා, කිලර් බී එක්ක ඉරාජ් තමයි මේ ගීතය ගායනා කරන්නේ ඕං.. කැමති නං බලන්න.. නැත්තං නොබලන්න.. :}

උදාර මදුෂංක
Udara || උදාර ධර්මසේන

12 comments:

විශ්මි said...
April 9, 2010 at 8:48 PM

ලස්සන ගීතයක් උදාර.. එච්.ආර්. ජෝතිපාල මහත්මයගෙ ගීතය නම් අහල තිබුනෙ නෑ...... අනිත් දෙක නම් අහල එපා වෙන තැනට පත් වෙලා.... :) ස්තුතියි යාළුවා......

Raven said...
April 9, 2010 at 8:52 PM

ගීතත් එක්කම දාන ඒවාට සම්බන්ධ මේ විස්තර සහ කතන්දරත් හරි වැදගත් සහ රසවත්.
මේ ගීතත් රස විඳින්නම් දැන්. ජයවේවා.

තිස්ස දොඩන්ගොඩ said...
April 9, 2010 at 9:02 PM

ooooooooooh.... one of my favorites.... thanks malliyaa.....

Udara || උදාර ධර්මසේන said...
April 9, 2010 at 9:17 PM

විශ්මි - හ්ම්.. ‍ගොඩක් අය ඒක අහලා නෑ.. ඔව් මාත් ඔය අලුත් සින්දු වලට වැඩි මනාපයක් නෑ.. ස්තූතියි ප්‍රතිචා‍රයට සහෝදරී.. :)

රවීන් - ඔව් සහෝ.. ඒවා මතක් කරගන්න එක සහ ආපහු හොයාගන්න එක තමයි ගොඩක් අමාරු.. ඇත්තටම සෑහෙන කට්ටක් කනවා.. ඕගොල්ලොන්ගේ කමෙන්ට් තමයි මගේ ඉන්ධන.. ;)

තිස්සයියා - ඉස්තූතියි ඉස්තූතියි අයියණ්ඩි ඉන්ධන ඩිංගට.. ;)

Hasitha Gunasinghe said...
April 9, 2010 at 10:36 PM

නියමයි. මෙච්චර විස්තරයක් අද තමයි දැනගත්තේ

ත‍රිඳු said...
April 9, 2010 at 11:10 PM

මේ පද මාලාත් හරිම ලස්සනයි. ඒවායේ තේරුමත් දාන්න පුලුවන්නම් වටිනව

Jay said...
April 10, 2010 at 12:50 AM

නියමයි..

Jay said...
April 10, 2010 at 8:44 AM

එච්.ආර්. ජෝතිපාල මහත්මයගෙ Roxxxx..!!!

Kathandarakaraya said...
April 10, 2010 at 3:46 PM

Jeewanaye mal pipuna kiyala Sinhala sinduwak thibuna neda?

Anonymous said...
February 22, 2015 at 12:02 PM

උදාර මල්ලි මට පොඩි උදව්වක් කරන්න. ඊයේ බස් එකක යනකොට අහන්න ලැබුනා දෙබිඩි සිංදුවක්. මම දන්නේ නැහැ ඒවට කියන්නේ මොනවද කියලා. පරණ සිංදුවකින් පටන් අරං ඊට පස්සේ කවුද මංදා කෙල්ලෙක් වෙන මගුල් කියවන එකක්. අර කලින් පාරක් “මට ආලෝකේ ගෙන දේවී සංසාරයේ“ ගිතය වගේ කේස් එකක්. ගමන පුරාවටම ඒකේ පරණ සිංදුවේ තාලය අල්ල අල්ල ආවට ගෙදර ඇවිත් මේ වෙන වෙන කරදර අස්සේ කල්පනා කරද්දි එන්නෙම අරකිගේ පද ටික විතරයි මුුල් සිංදුව මතක් වෙන්නෙම නැහැ.
අර කෙල්ල කියන කෑලිවලනං තිබුනේ මෙහෙම
“මොනව බලන්නද ඔය මූනේ-ප්‍රේම කරන්නයි මට ඕනේ“ කියලා. අනේ පොඩ්ඩක් පුළුවන්නං ඒ සිංදුවේ එන පරණ ගීතය මොකක්ද කියලා කියනවද?

Udara || උදාර ධර්මසේන said...
March 4, 2015 at 5:20 PM

හලෝ ඇනෝ!

පානා සුපෙම් සිනාවේ - https://www.youtube.com/watch?v=zdCfSrF5cjQ

වාරායෝ වෙන්නිලාවේ (දෙමළ) - https://www.youtube.com/watch?v=pEwgZR_neZ0

Anonymous said...
March 4, 2015 at 7:46 PM

බොහෝම ස්තූතියි උදාර මල්ලි.

Post a Comment

වචනයකින් දෙකකින්වත් දිරිය දෙන්න...