:: Sunlo Ji Sunlo.. වැල්ලේ කිරි වැල්ලේ.. ::



ටික කාලෙකට පස්සේ ඔන්න ආයෙත් ආවා මේ පැත්තේ සුපුරුදු විදිහට ගීත දෙකක්ම අරගෙන.. දවස් කීපයකට කලින් ටීවීටරේ යාළුවෝ දෙන්නෙක් මගේ බ්ලොග් එක මතක් කරද්දී තමයි මට මතක් වුනේ මම මෙහෙම බ්ලොග් එකක් කරනවා නේද කියලා.. ඉතින් ඔන්න දිලින සහ සූලාරීව මුලින් මතක් කරලා ඉන්නවා අද විස්තර කියන්න කලින්..

හරි අද මම අරගෙන ආවේ 1957 තිරගත වුන “දෝ රොටී“ (Do Roti) කියන චිත්‍රපටියේ ජනප්‍රිය වුන ගීතයක් අරගෙන..

සුන්ලෝ ජී සුන්ලෝ බජේ ගී බාත්..
රෝටි බිනා ජීවන් හේ කාලී රාත්..

තනිකරම රොටී ගැන කියවෙන ගීතයක්.. අවසාන පද පේලියේ තේරුම “රොටී නැති ජීවිතය කළුවර රැයක් වගේ“ කියලා තමයි කියන්නේ.. 1957 ඉස්මයිල් මෙමොන් අධ්‍යක්ෂණය සහ තිර රචනය කල මේ චිත්‍රපටියේ ප්‍රධාන චරිත රඟපෑවේ නිරූපා රෝයි සමග බල්රාජ් සාහ්නි.. ඒ වගේම ජොනී වෝල්කර් සහ මෙහෙමූද් යන නළුවනුත් මෙහි චරිත රඟදැක්වූවා.. සුමන් කල්යාන්පූර් සමග ශංකර් දාස්ගුප්තා ගායනා කරන මේ ගීතයට මියුරු සංගීතය යෙදුවේ රොෂාන් කියන සංගීතඥයා.. පද ගැලපුවේ කුමාර් බරාබන්ක්වි කියන ශිල්පියා..

පහලින් මේ ගීතය බලන්නත් කැමති අයට බාගන්නත් වෙනදා වගේම අවස්ථාව තියෙනවා ඔන්න..







දැන් ඉතින් අමුතුවෙන් කියන්න දෙයක් නෑ මේ ගීතයේ තනුවට ගැයුනු සිංහල ගීතය මොකක්ද කියලා..

වැල්ලේ කිරි වැල්ලේ හාදූ දේවී..
ජීවනයේ ප්‍රේම මැණික් පෑදේවී..

1958 තිරගත වුන “දෙයියන්නේ රටේ“ චිත්‍රපටියේ තමයි මේ ලස්සන ගීතය අඩංගු වුනේ.. එල්. එස්. රාමචන්ද්‍රන් අධ්‍යක්ෂණය කල මේ චිත්‍රපටිය නිෂ්පාදනය කලේ හෙළදිව ෆිල්ම්ස්.. ප්‍රධාන චරිත රඟපෑවේ සේනාධීර කුරුප්පු, පුන්‍යා හීන්දෙනිය සමග ධර්මසිරි කල්දේරා.. ගීතය මියුරු ලෙස ගායනා කලේ මොහිදීන් බෙග් සමග ජී.එස්.බී. රානි මහත්මිය.. ඔවුන් දෙදෙනාම අද අප අතර නැහැ..

හැබැයි අදටත් මේ ගීතය ප්‍රසංග වේදිකාවේ වගේම ගුවන් විදුලියේ නිතරම අහන්න ලැබෙනවා.. ඔන්න පහලින් තියෙනවා කැමති අයට බලන්න.. ඒත් එම්බෙඩ් කරන්න බෑ.. ලින්ක් එකට කෙලින්ම ගිහින් බලන්න.. අවශ්‍ය අයට බාගන්න අවස්ථාව තියෙනවා ඊට පහල ලින්ක් එකෙන්.. තවත් ලස්සන ගීත යුගලයක් අරගෙන ඉක්මනින් එන්නම්... සුභ !!!



උදාර මදුෂංක
Udara || උදාර ධර්මසේන

6 comments:

තිස්ස දොඩන්ගොඩ said...
March 12, 2012 at 7:41 PM

හින්දි එක අහලම තිබ්බේ නෑ මල්ලි - ස්තූතියි

Dili said...
March 12, 2012 at 7:43 PM

එල එල ඔහොම මතක කරලා හරි ලියන්න ගත්තු එක :D මේක මෙහෙම සින්දුවක් කියල මම දැනගෙන හිටියෙම නෑ.

න දී said...
March 12, 2012 at 7:46 PM

niyamai tnks

Epc matale said...
March 12, 2012 at 9:15 PM

නියමයි උදාර....

ඕනයා said...
March 13, 2012 at 10:13 PM

පලවෙනි වතාවට හින්දි සින්දුව ඇහුවෙ. ස්තුතියි මචං

ට්‍රැෆික් ඇනෝ said...
March 14, 2012 at 10:23 AM

Thanks a lot

Post a Comment

වචනයකින් දෙකකින්වත් දිරිය දෙන්න...