:: Dil Use Do... මල් වැහි සීතල.. ::



අදටත් ජනප්‍රිය තවත් රසවත් සින්දුවක් අරගෙන ඔන්න අද මම ආවා...

මේ හින්දි සින්දුව නම් වැඩිය අහලා නැතිව ඇති...

"දිල් යුසේ දෝ ජෝ ජානේ දේ..."

මේ සින්දුව තිබුනේ 1971 තිරගත වුන අන්දාස් චිත්‍රපටියේ.. රමේෂ් සිප්පි අධ්‍යක්ෂණය කරපු මේ චිත්‍රපටියට ‍ශම්මි කපූර් රාජේශ් ඛන්ණා එක්ක හේමා මාලිනි තමයි ප්‍රධාන රංගනයෙන් දායකවුනේ‍.. ශංකර්-ජයකිශන්ගේ මියුරු සංගීතයට ශයිලේන්ද්‍ර තමයි පද ගලපලා තියෙන්නේ.. ගායනා කලේ සුපුරුදු පරිදි මොහොමඩ් රාෆි මහත්තයාත් එක්ක මේ ළඟදී ලංකාවට ආපු ආශා බෝස්ලේ මහත්මිය..

ඉතින් ලංකාවේ මේ තනුවටම සින්දුවක් හැදුවා "හොඳට හොඳයි" චිත්‍රපටියේ... ඒ තමයි...

"මල් වැහි සීතල මල් වැස්සේ... මල් මදහාස මං දැක්කේ..."

ගාමිණී - මාලිනී යුවල රංගනයෙන් දායක වුන මේ චිත්‍රපටියේ මේ සින්දුව ගායනා කලේ එච්. ආර්. ජෝතිපාල මහත්තයාත් එක්ක ඇන්ජලීන් ගුණතිලක මහත්මිය..

ඔන්න තියෙනවා සින්දු දෙකම බාගන්න.. යූටියුබ් වීඩියෝ දෙකත් තියෙනවා බලාගන්න...


දිල් යුසේ දෝ ජෝ ජානේ දේ...

මල් වැහි සීතල මල් වැස්සේ...



උදාර මදුෂංක
Udara || උදාර ධර්මසේන

:::Toote Huwe... පායා ඇයි හිනැහෙන්නේ...:::


ලැබුවාවූ නව වසර පැරණි හින්දි ගී රසික සියළු දෙනාට සුභම සුභ නව වසරක් වේවා කියලා ඔන්න ප්‍රාර්ථනා කරනවා ඕං..

2010 අවුරුද්දේ පළමුවෙනි සින්දුව දෙන්න තමයි යන්නේ ඔන්න... මේ සින්දුව ඊයෙත් අදත් හෙටටත් අති ජනප්‍රිය එකක්...

"පායා ඇයි හිනැහෙන්නේ... නිල් ගුවනේ තරු රාශී... ඇති වී.. නැති වී නම් ඇගේ මුහුණේ.. නිල්වන් දෙනෙතේ කාන්තී..."

කොයි කවුරුත් ආස ඇති මේ සින්දුවට නේද ? අපේ එච්. ආර්. ජොතිපාල මහත්තයා ඉතාම හැඟුම්බර විදිහට ගායනා කරන මේ ගීයට ඉස්සර කෙල්ලෝ ඉකි ගගහා ඇඬුවාලු කියලාත් ආරංචි වුනා.. කරුණාරත්න අබේසේකර මහත්තයා තමයි පද ටික ලියලා තියෙන්නේ..

සමහරු නම් දන්නෙත් නැතුව ඇති මේක හින්දි කොපියක් කියලා... ඒත් මධුමතී (හින්දි) චිත්‍රපටිය බලපු අයට නම් මතක ඇති මේ තනුව.. 1958 තිරගත වුන මධුමතී චිත්‍රපටිය අධ්‍යක්ෂණය කලේ බිමල් රෝයි මහත්තයා... '40 හා '50 දශකයේ ෂාරුක් ඛාන් වුනු දිලිප් කුමාර් මහත්තයාත් එක්ක වෛජයන්ති මාලා තමයි රංගනයෙන් දායක වුනේ... ඉතාමත් ජනප්‍රිය ගීත ගණනාවක් මේ චිත්‍රපටියේ තිබුනා.. ෂයිලේන්ද්‍රගේ ගී පද වලට සලීල් චොවුද්රී තමයි සංගීතය එකතු ක‍ලේ.. මේ ගීතය තමයි "ටූටේ හුවේ ක්වාබෝනේ" කියලා කියන්නේ... සිංහල තේරුම "සිහින බිඳී ගියා" කියන එක.. ඔක්කොම නම් කියන්න අමාරුයි... :)

ඔන්න තියෙනවා සිංහල එකයි හින්දි එකයි දෙකම බාගන්න..

ටූටේ හුවේ ක්වාබෝනේ - මොහොමඩ් රාෆි

පායා ඇයි හිනැහෙන්නේ... - එච්. ආර්. ‍ජෝතිපාල


උදාර මදුෂංක
Udara || උදාර ධර්මසේන